Ginalauman nga magataas ang balayran sa kuryente sang mga konsumidor sa Luzon, Visayas kag Mindanao bangud sa pagtaas sang transmission charges sini nga bulan sang Agosto.
Suno sa National Grid Corporation of the Philippines (NGCP), ang transmission rate para sa Hulyo 2026 billing period nagtaas sang 22.22%, halin sa P1.4367 tubtob P1.7560 kada kilowatt-hour.
Ang mayor nga rason sini amo ang 30.85% nga pagsaka sa ancillary services charges, halin sa P0.7941 tubtob P1.0391 kada kilowatt-hour.
Gin-athag man sang NGCP nga wala sila sang kita gikan sa ancillary services, bangud ang mga bayad ginapasa direkta sa mga service providers kag iban pa nga nagakaigo nga mga entity.
Ang transmission charge amo ang bayad para sa transmission sang kuryente halin sa mga power suppliers pakadto sa distribution system, nga ginabayad sa NGCP.
