ROXAS CITY-Nakompirmar sang Bombo Radyo nga may yara sang nagakahinabo nga baligya-anay sang mga housing unit sa pabahay project sang National Housing Authority (NHA) sa banwa sang Panay.
Sa pagpangusisa sang Bombo Radyo, natukiban nga nagalab-ut sa P50,000 tubtob P180,000 ang pabaligya-anay sang mga housing units amo nga banwa.
Ginpahayag sang pila ka mga concern citizens nga ang mga housing units nga ginabaligya sang mahal ang may yara na sang mga kagamitan sa sulod.
Magluwas sa baligyaanay sang mga units, natukiban man sang News Team sang Bombo Radyo nga may yara sang mga tag-iya sang mga units nga indi kwalipikado sandig sa pagsulundan sang NHA.
Ginaalegar nga pila sa mga housing units ang ginapanag-iyahan sang mga seaman, mga manunudlo, Pulis, kag iban pa nga mga indibidwal nga ginapahayag malapit sa luwag.
Natukiban man sang Bombo Radyo Roxas nga may yara sang mga broker nga taga baligya sang mga nasambit nga housing unit.//END
