Ginabaligya sang negosyante sa P200 kada kilo ang karne sang baboy sa Barangay Lawaan, Roxas City nga ginakabig nila nga father’s day promo.
Sa interview sang Bombo Radyo kay Jessica Christine Gonzales, negosyante, iya ginpahayag nga makapila na ka beses nga nagpa-promo ini humalin sang pagbukas sang klase, pagselebrar sang Independence Day kag sa palaabuton nga Father’s Day.
Suno kay Gonzales, ginaathag gid niya sa mga manugbakal nga manubo ang presyo sang baboy bangud bataon pa ini kag kun kaisa nakaagi na bata.
Indi manigar pahayag niya nga may mga negatibo nga komento sila nga nabaton bangud sa kakulba sang iban sa African Swine Fever (ASF).
Apang pahayag niya, may yara siya sang mga resibo nga makapamatuod nga sa slaughterhouse gina-ihaw ang baboy kag indi man ini makasulod kun may yara sang balatian.
Dugang pa sang natungdan, madamo pa sang supply sang baboy sa Roxas City bangud posible nahadlok ang iban nga magbalatian ang ila baboy rason nga ginabaligya na lang.
