Naghina ang baligyaan sang karne sang baboy sa Teodoro Arcenas Trade Center (TATC) sa Roxas City.
Sa interview sang Bombo Radyo kay Punong Barangay Roberto Ross Roldan sang Brgy. Adlawan, Roxas City kag isa man ka meat vendor, iya ginpahayag nga isa sa mga posible nga rason sang matumal nga pamakal amo ang kabalaka sang pila ka konsumidor may kaangtanan sa African Swine Fever (ASF).
Apang gin-athag sini nga ang mga karne sang baboy nga ginabaligya sa TATC regular nga gina-inspeksyon sang mga otoridad kag ginahatagan sang certificate.
Suno sa iya, nagakahulugan ini nga naga-agi ang mga karne sa accredited nga slaughterhouse kag nakasunod sa mga kinahanglanon sang gobyerno para masiguro ang kalidad kag kaluwasan sini.
Nagpanawagan ini sa publiko nga magbakal sang karne sang baboy sa mga legal kag gina inspeksyunan nga balaklan pareho sang TATC.
