Mas naghina ang baligyaanay sang baboy sa sulod sang Teodoro Arcenas Trade Center bangud man sa pamahog sang African Swine Fever.
Sa interview sang Bombo Radyo kay Boyet Palangre, isa ka Meat Vendor, iya ginpahayag nga matumal ang ila nga kita bangud man nga manubo ang presyo sang baboy nga ginabaligya sa mga talipapa rason nga wala masyado sang may nagabakal sa ila.
Suno pa kay Palangre, ang ila lang gid nasaligan amo ang ila nga suki kag karenderya nga nagabakal sa ila.
Dugang pa ni Palangre nga ginasigurado gid nila nga safe kag halin mismo sa slaughterhouse ang ila nga ginabaligya nga baboy.
Pahayag pa sini nga kumpleto ang ila nga mga dokumento kag may yara sang veterinary nga naga-check sang ila nga mga baboy kun may sakit ukon wala.
Nagpasalig man ang natungdan sa mga nagabakal sang karne sang baboy nga sigurado ang kalidad sang karne nga ila ginabaligya, bangud naga-agi ini sa nagakaigo nga inspection kag verification antes ini ibaligya sa merkado.
