ROXAS CITY, CAPIZ – Madahog na ang baligyaanay sang kandila sa bahin sang Banica Catholic Cemetery kadungan sang All Saints’ Day.
Sa interview sang Bombo Radyo kay Anita Que, iya ginpahayag nga maayo man ang ila kita sa pagbaligya sang kandila ilabi na nga madamu na sang mga tawo nga nagabisita kag nagasindi sang kandila sa ila mga nagtaliwan nga himata.
Suno kay Anita, basta maayo lang nag panahon kag indi mag-ulan, sigurado nga bisan gamay, may ginakita gid sila.
Pahayag pa niya, madugay na ini nga nagabaligya kag personal sini nga gina-ubra ang mga kandila gamit ang scrap ukon mga recycle nga mga kandila. Dugang pa sang natungdan, nagalaum ini nga madugangan pa ang ila nga kita subong kag sa buwas nga adlaw, Nobyembre 2.
Interviewed by: Bombo Jessa Mae De Los Santos
