Labi nga ginpasanyog sang mga yunit sang Philippine Army (PA) ang ila ikasarang sa joint kag combined operations paagi sa pagbuylog sang pwersa sa mga tropa sang Amerika sa bag-o lang natapos nga Balikatan exercises.
Suno sa tigpamaba sang PA nga si Col. Louie Dema-ala sang Miyerkules, ang mga ehersisyo nagpadalom sa koordinasyon sang Army sa patag sang maritime security, amphibious operations, air and missile defense, at cyber defense.
Suno sa iya, ang PA nagpakita sang mas mataas nga lebel sang interoperability sa paggamit sang mga abanse nga sistema sang depensa kag integrated air-sea-land assets.
Gindugang pa ni Dema-ala nga ang Balikatan isa ka oportunidad para sa mga suldado nga makatuon gikan sa aktwal nga mga senaryo kag makagamit sang moderno nga teknolohiya sa depensa.
Ginpatigayon ang exercises humalin Abril 21 tubtub Mayo 9.
Una nga ginpahayag ni AFP chief Gen Romeo Brawner Jr. nga magluwas sa teknikal nga benepisyo, ang pinakaimportante nga resulta sang Balikatan sini nga tuig amo ang mas mabakod nga pagsalig kag relasyon sa tunga sang mga kaalyado nga pungsod.
