Balor sang halit sa sunog sang duha ka mga puluy-an Barangay Tuburan, Maayon, Capiz, naglab-ot na sa P33,950

Naglab-ot sa P33,950 ang balor sang halit sa sunog sang duha ka mga puluy-an Sitio Casutwa, Barangay Tuburan, Maayon, Capiz.

Sa interview sang Bombo Radyo kay SFO2 Joery D. Bade, Chief Operator, Maayon Fire Station, iya ginpahayag totally burned ang duha ka mga puluyan nga nasunog nga human sang light materials.

Suno kay Bade, ina ang una nga kahigayunan nga nabaton nga report nga may nagluntad nga sunog subong nga bulan sang Setyembre.

Dugang pa sang natungdan, base sa ila record kalabanan nga gintunaan sang sunog amo ang electrical circuit.

Sa subong, padayon pa ginahibalo sang katapo sang Bureau of Fire Protection ang amo nga sunog.