Nagdangat na sa kabug-usan nga P12,155,568.62 ang natumod nga balor sang kahalitan nga ginbilin sang bagyong Kristine sa power sector.
Ini ang suno sa pinaka-ulihi nga assessment kag validation sang National Electrification Administration (NEA) – Disaster Risk Reduction and Management Department (DRRMD).
Ang mga ini ang sumugod pa lamang sa partial report sang pila ka mga electric cooperative na ginkabug-usan sang QUIRELCO, ABRECO, BENECO, NEECO II-Area 1, MARELCO, TIELCO, FICELCO, AKELCO, NONECO, SAMELCO 1 and LEYECO 5.
Tubtob sa nakaligad nga adlaw, tatlo ka mga EC ang padayon nga nagahiwat sang lapnagon nga restoration operation agud maibalik ang insakto nga suplay sang kuryente sa mga konsyumer: kalakip ang Pangasinan I Electric Cooperative (Panelco I), Batangas 1 Electric Cooperative, Inc., kag Camarines Sur I Electric Cooperative, Inc.
Suno sa gihapon sa report sang NEA, may yara pa sang 45 EC nga naka-eksperyensa sang partial power interruption.
Nabalik naman sa normal operations ang iban nga mga EC nga may kabug-usan nga 515 ka munisipalidad nga naapektuhan sa pagpanglaslas sang bagyo.
Naglab-ot sa 12 rehiyon sa bug-os nga pungsod ang naka-eksperyensiya sang problema sa suplay sang kuryente kadungan sang pagpanglaslas sang bagyong Kristine.
