Nagdangat na sa P3.3 billion imprastraktura ang balor nga ginbilin nga kahalitan ni Severe Tropical Storm (STS) ‘Kristine’ sa kabug-usan nga 38,333 nga buluthuan sa Pilipinas ang naapektuhan suno sa Department of Education (DepEd).
Sa partial nga datos sang DepEd nagdangat sa P2.7 billion ang pag-reconstruct sang mga naapektuhan nga classroom kag dugang nga P680 million para naman sa major repairs sang mga ini.
Suno pa sa ahensya nga yara sa 2,700 classrooms ang naapektuhan sang bagyong ‘Kristine’ samtang 1,361 naman ang iban pa nga ginaalegar nga damage bangud sini apektado ang yara sa 19.4 million nga estudyante kag 786,726 nga mga manunudlo kag non-teaching personnel.
Samtang, 1,047 nga buluthuan pa ang ginagamit sa karon bilang evacuation center para sa mga nasalanta sang bagyong ‘Kristine’.
Ginapaidalom naman ang yara sa 861 nga buluthuan bilang secondary hazards nga naapektuhan sang pagbaha kag pagtiphag sang duta.
