-- ADVERTISEMENT --
Kumpiyansa ang Department of Finance nga magabaskog ang balor sang piso kontra dolyar sa Christmas Season.
Sa Malacañang press briefing, ginpahayag ni Finance Secretary Ralph Recto, posible nga maghampang na lamang sa ₱55 ang baylohanay sang piso sa dolyar sa pagtakop sang tuig.
Sa oras nga magbaskog suno diri ang balor sang piso, mas makatipid ang pungsod sa importasyon kag makabulig ini sa pagpahagan-hagan sang inflation.
Suno pa kay Recto, yara naman sa downward trend ang hulag sang inflation sa pungsod.
Base sa pinakaulihi nga record, yara sa 3.3% ang inflation sadtong Agosto kag mahimo pa suno diri ini nga mapanubo sa 2.1 tubtob 2.5 sa katapusan sang Setyembre.
