Balut vendor pilason matapos aksidente nga nabungguan sang motorsiklo

PANAY,CAPIZ – Pilason nga ginpadangat sa ospital ang 41-anyos nga balot vendor matapos nabungguan sang isa ka tricycle sa Sitio Dulunan, Barangay Bato, Panay, Capiz.

Nag-angkon sang kapilasan sa lawas ang biktima nga si Randy Derofino sang Barangay Banica, sining syudad.

Sandig sa imbestigasyon sang Roxas City PNP nga samtang ginasubay sang driver sang motorsiklo nga si Joedy Arrobang 40-anyos sang Barangay Agoho, Panay, Capiz ang dalanon, aksidente sini nga nabungguan ang biktima nga nagatindog sa higad sang tricycle nga yara sa karsada.

Bangud sa impact natumba ang motorsiklo ni Arrobang rason nga ini ang napilasan kag ginpadangat man sa ospital.