ROXAS CITY – Patay na sang nasawpan ang bangkay sang isa ka babayi sa kaugalingon nga balay sa Sitio Lawis, Barangay Baybay Roxas City.
Ginkilala ang biktima kay Maria Victoria Villanueva, 30-anyos.
Sa impormasyon nga nakuha sang Bombo Radyo, sa pakaisa sang biktima naga-isahan nga naga-istar sa iya puluy-an si Villanueva kag pinaka-ulihe nga nakit-an sang Hunyo 2.
Suno diri, naga-duda siya nga may malain nga natabo sa iya pakaisa bangud madugay na nga wala makapakita kag makapabatyag.
Gilayon nga ginpadulongan sini ang balay sang biktima apang nasapwan na lamang ini nga wala na sang kabuhi.
Ginapahayag nga may ginasupreher nga balatian si Villanueva.
Sa karon, yara na sa punerarya ang bangkay kag ginahulat ang mangin desisyon sang mga himata kun igapaidalum sa autopsy examination.
