Naglab-ot na sa 28 ka mga bangkay ang narekober sang mga rescuer sa narumpag nga siyam ka panalgan nga building sa Balibago, Angeles City, Pampanga.
Pasao als 9 sang gab-i narekober ang amo nga bangkay
Ini ang pinakaulihi nga bangkay nga narekober sang mga otoridad sa narumpag nga building bangud masobra na duha ka adlaw nga wala makita sang mga otoridad.
Madumduman nga narumpag ang nasambit nga building sang Mayo 24 sang kaagahon, kon sa diin masobra 20 ka mga tawo ang nalubong, lunsay mga construction workers.
Ginpasakaan naman sang kaso sang Angeles City government ang tag-iya sang building kag ang contractor samtang padayon pa ang imbestigasyon sang mga otoridad sa insidente.
Padayon naman ang search, rescue kag clearing operations sang mga otoridad sa nasambit nga lugar.
