ROXAS CITY-Yara na sa punerarya ang bangkay sang 44-anyos nga lalaki nga nasapwan sa sulod sang balay sa Barangay Lanot, Roxas City.
Ginkilala ang biktima nga si Lamberto Aguilar Jr., sang amo nga lugar.
Matandaan nga sa exclusive interview sang Bombo Radyo kay Lonie Aguilar utod sang biktima nga nasapwan na lamang ini sang ila boy nga duguon na ang ulo kag wala na sang kabuhi.
Ginpahayag naman ni Lonie nga wala man ini sang kontra sa ila lugar gani posible nga nasandad lamang ini kag nalampos ang ulo sa semento bangud sa tuman nga kahulugbon.
Ini bangud masami nga nagainom ang biktima sang makahulubog nga ilimnon kag nagapahubog.
Dugang pa sini nga nag-updanay pa sila sang nakaligad nga Biyernes sa pagkaon.
Nahibaluan nga nagaisahanon lamang nga nagaistar ang biktima sa iya balay bangud ang iya tiayon nagatrabaho sa pungsod sang Kuwait.
