Bangkay sang duwa ka persona nga naanod sa banwa sang Maayon, yara na sa punerarya

ROXAS CITY – Yara na sa punerarya ang bangkay sang duwa ka persona nga nasapwan-patay matapos nga ma-anod sang baha samtang nagapangalap sang isda sa banwa sang Maayon.

Nakit-an ang bangkay nanday Joselito Dequino kag Tommy Luces sa kasubaan nga sakup sang Brgy. Carataya sang amo nga banwa.

Matandaan nga ginreport nga ‘missing’ ang tatlo ka mga persona sa Brgy. Tuburan banwa sang Maayon apang wala pa nakit-an si Monito Dequino.

Sa karon, nagapadayon ang search and retrieval operation sang mga otoridad sa nabilin nga missing.