ROXAS CITY – Yara na sa ‘state of decomposition’ sang masapwan ang bangkay sang isa ka enhinyero sa ikatatlo nga panalgan sang edipisyo nga ila ginapatukod sa Barangay Culasi, Roxas City
Ginkilala ang biktima kay Engr. Roger Banico, residente sang banwa sang President Roxas, Capiz nga nagatrabaho bilang enhinyero sang isa ka edipisyo nga ginapanag-iyahan sang Philippine Coast Guard (PCG) Capiz.
Suno kay Petty Officer 3 Limuel Fernandez sang PCG-Capiz, tatlo ka adlaw na nga wala makit-an ang presensiya sang biktima kag wala naman ini makapauli sa ila nga balay.
Sang ginpangita ini sang iya nga mga himata, nasapwan na lamang nga nagaagnas na ini nga bangkay sa ikatatlo nga panalgan sang nasambit nga edipisyo.
Ginapahayag nga nabudlayan pa ang iya mga kaupdanan sa pagsulod sa hulot nga nahamtangan sang bangkay sang biktima bangud nakakandado ini.
Sa karon, padayon ang imbestigasyon sang mga otoridad agud matumod ang gintunaan sang kamatayon sang biktima.
