MAAYON, CAPIZ – Nasapwan na ang bangkay sang 27 anyos nga kolektor nga nalumos sa isa ka suba sa Barangay Quinat-uyan, Maayon, Capiz.
Ini ang ginkompirmar mismo sang ni Mark Dumol, ang Disaster Risk Reduction and Management Officer sang banwa sang Panit-an sang mainterview sang Bombo Radyo.
Suno diri nga ang nakasapo sa bangkay amo si Dominador Dapugo kag gilayon ini nga nagpakig-angut sa mga opisyales sang ila nga barangay.
Nasapwan ang bangkay sang biktima nga si Jolo Agam sang Barangay Bolo, Roxas City sa kasubaan nga sakop sang Barangay Cadio, Panit-an.
Matandaan nga sadtong Lunes nga adlaw sang nagpilit nga magtabok sa tulay ang biktima sakay sa iya nga motorsiklo.
Apang bangud sa mabaskog nga current sang tubig, gin-anod ang biktima mangin ang motorsiklo sini.
