ROXAS CITY -Natalana nga igapaidalum sa autopsy examination ang bangkay sang 39-anyos nga lalaki nga nasapwan sa nabukid nga porsyon sang Barangay Bolo Roxas City.
Ini ang ginpahayag ni Police Lieutenant Colonel Ricardo Jomuad Jr., hepe sang Roxas City Police Station sang mainterview sang Bombo Radyo.
Suno kay Jomuad nga subong nga adlaw natalana nga ipaidalum sa autopsy examination sang provincial crime laboratory ang bangkay sang biktima nga si Ronald Tangi agud mahibaluan kun may yara sang foul play sa kamatayon sini.
Sa pagpangusisa ni Jomuad sa pamilya sang biktima ginpahayag sini nga gulpi na gid lamang nga nangindulaan ang biktima matapos nga nadakpan sa tuyo nga pagpanghimulos sa iya 17 anyos nga manak.
Gindugang pa ni Jomuad nga gin-ako sang himata sini nga may yara sang indi pag-intindihanay san tunga ni Tangi kag live-in partner sini nga yara sa luwas ang pungsod.
Ginkakibot na lamang sang mga himata sang biktima nga nasapwan na lamang ini nga isa na ka mayami nga bangkay sa nasambit nga lugar.
Samtang indi naman makapati ang himata sang biktima nga mahimo sini nga himuslan ang manak bangud mabuot man ini nga sahi sang am
