ROXAS CITY – Nakit-an na ang bangkay sang 83-anyos nga lalaki nga nalumos sa suba nga sakop sang Barangay Angub banwa sang Cuartero takna 1:20 subong nga hapon.
Sa pagpakig-angut sang Bombo Radyo kay Mr. Ronald Guillermo, Municipal Disaster Risk Reduction and Management Officer sang Cuartero, nakit-an ang bangkay ni Felix Delfin sa Brgy. Agtambi, sabnawa sang Dao, 3-4 ka kilometro ang kalayuon sa ginluntaran sang insidente.
Matandaan nga nakit-an pa sang isa ka residente nga nagpangayo sang bulig ang biktima samtang gina-anod sang baha kag gilayon nga nagpatigayon sang search and retrieval operation ang mga otoridad.
Samtang, nagapasalamat naman si Guillermo sa Capiz Emergency Response Team , Philippine Coast Guard, PNP, BFP, Local Responding Unit sang Cuartero Emergency Unit, Participating team sang Pob. Takas kag Pob.Ilaya nga nagbulig agud makit-an ang bangkay sang biktima.
Sa karon yara na sa isa ka punerarya ang bangkay ni Delfin.
Bangkay sang senior citizen nga nalumos sa suba sa banwa sang Cuartero, nakit-an na sa Dao
-- ADVERTISEMENT --
