ROXAS CITY – Nakita na ang bangkay sang tigulang nga una ginreport nga missing sang iya pamilya sa isa ka lugar nga nagaserbe nga dumping site sa Barangay Banica, Roxas City
Nakasulod sa duha ka sako ang ginchop chop nga lawas sang biktima nga si Antonio dela Rosa, 60-anyos sang San Roque St., Roxas City.
Sa exclusive interview sang Bombo Radyo Roxas kay Superintendent Dante Tayco, hepe sang Roxas City PNP, ginpahayag sini nga positibo nga naidentify sang pamilya sang biktima ang nasambit nga bangkay.
Suno sa opisyal nga matapos ang maid-id nga interogasyon sang imbestigador sang Roxas City PNP kag napaako ang suspek na si Antonio Eduardo alyas Tony Balila sa nahimo nga krimen, ginpatudlo sa iya ang lugar sa diin ginhaboy ang chop chop nga lawas sang biktima.
Matapos makita ang duha ka sako kag makumpirma nga lawas sang tawo ang unod sini, gilayon nga ginbalik na sa bilangguan ang suspek.
Sa karon ginapreparar na ang mga dokumento kag ebedensiya para sa kaso nga murder nga ipasaka batuk sa suspek.
