Nagpataas ang Bangko Sentral ng Pilipinas (BSP) sang ila policy interest rate sa 25 basis points ukon isa ka quarter-poin, nga nagdala sang key rate sa 4.5%.
Ini ang pinakauna nga pagtaas sa sulod sang masobra duha ka tuig.
Suno sa BSP, ginhimo ang tikang bangud sa nagalala nga inflation outlook sa pungsod bangud sa nagapadayon nga inaway sa Middle East.
Gin-athag sang bangko sentral nga ang pagtaas sang presyo sang langis kag abono sa bug-os nga kalibutan nagasugod sa pag-apekto sa presyo sang gatong kag pagkaon sa pungsod.
Dugang pa, ang core inflation, nga isa ka indikasyon sang mas malapad nga pagtaas sang presyo sang mga balaklon kag serbisyo, padayon man nga nagataas.
Sa pihak sini, ginakilala sang BSP nga ang subong nga inflation amo ang nagapanguna nga tuga sang mga kabangdanan sang suplay, partikular ang epekto sang kinagamo sa NMiddl East sa suplay sang langis sa bug-os nga kalibutan.
Bangod sini, may limitasyon ang epekto sang pagtaas sang interest sa sini nga sahi sang inflation.
