Posible nga magpatuman ang Bangko Sentral ng Pilipinas (BSP)sang dugang nga 50 basis points nga interest rates subong nga tuig, nga mahimo magduso sang benchmark rate sa 5.25% antes matapos ang 2026.
Suno sa MUFG, nagapabilin nga mataas ang inflation bisan pa nga nagnubo ini sa 6.2% sang Hulyo halin sa 7.2% sang Abril, kag padayon nga nagalapaw sa target sang BSP.
Samtang, ginpahayag sang Standard Chartered Bank nga posible maglab-ot lamang sa 3.5% ang pag-uswag sang ekonomiya sang pungsod subong nga tuig bangud sang mahinay nga paggasto sang gobyerno sa imprastraktura kag mas istrikto nga kondisyon sa pagpautang.
Nagapabilin man nga panghangkat ang pagluya sang piso batok sa dolyar, bisan pa nga nagabulig ini sa pagdugang sang kantidad sang remittances nga ginapadala sang mga OFW sa ila pamilya sa Pilipinas.
