Bangud sa paghigugma, soltero nagpanginmatay sa All Saint’s Day

ROXAS CITY – Kumbinsido ang pamilya sang 30 anyos nga soltero nga wala sang foul play sa kamatayon sang ila himata nga nagpanginmatay sa isa ka barangay sa banwa sang Maayon.

Ginpahayag ni Police Lt. MarK Garcia, hepe sang Maayon PNP nga nasapawan na gid lamang sang tiya sini nga nagabitin na sa balayan sa iya nga kuwarto si alyas Dodoy.

Gilayon nga ginkakas ang electrical wire nga nakahigot sa liog sang biktima kag ginhingaw dala sa Rural Health Unit sang amo nga banwa, apang gindeclare nga dead on arrival.

Nagaguwa sa imbestigasyon sang Maayon PNP nga nagasuprer sang emosyonal distress ang biktima nga gina alegar may problema sa paghigugma.

Wala naman sang foul play nga nakita ang mga kapulisan sa kamatayon ni alyas Dodoy.