Target sang House of Representatives nga usisaon ang bank records ni Vice President Sara Duterte bilang kabahin sang impeachment proceedings. suno kay House Deputy Speaker Representative Paolo Ortega.
Suno kay House Deputy Speaker Representative Paolo, seryoso kag makatulublag ang mga alegasyon nga ginpasaka sa ika-apat nga impeachment complaint, kon sa diin base sa pila ka mga claims may mga bank accounts, propedad kag financial transactions si Duterte nga wala niya naideklara sa iya Statement of Assets, Liabilities and Net Worth (SALN).
Sa ika-apat nga impeachment complaint nga gin-file batok kay Duterte sang Miyerkules, gin-akusahan ini sang gina-alegar betrayal of public trust kag culpable violation of the Contitution.
Dugang pa ni Ortega, kon ang mga public officials ginamanduan nga magdeklarar sang tanan nga mga assets kag magkabuhi sang simple, ang bisan ano nga ‘material omission’ pagakabigon nga isa ka seryoso nga constitutional concern, isa ka butang nga indi dapat pagbalewalaon sang Kamara.
Gin-athag man sini, nga indi ini isa ka conviction, kundi isa ka proseso.
Matandaan nga nagtaas sang masobra 1,000% ang net worth ni Duterte sa sulod sang 17 ka tuig, halin sa masobra P7.2 million sang 2007 tubtob P88.5 million base sa iya Statement of Assets, Liabilities and Net Worth sang Disyembre 31, 2024.
