Nagbutang sang bag-o nga record ang banking industry sa Pilipinas matapos nga naglapaw sa P31 trillion ang kabug-usan nga assets sang mga bangko sang Hunyo.
Base sa pinakaulihi nga data halin sa BSP, naglab-ot sa P31.13 trillion ang kabug-usan nga assets sang mga bangko sa pungsod sang Hunyo, 10.4% nga pagtaas kon ipaanggid sang nagligad nga tuig.
Kalakip sa mga assests nga ini ang cash, mga pautang, investments, real-estate propertiesnga nakuha gikan sa wala mabayaran nga mga pautang, kag iban pa nga mga assets sang mga bangko.
Samtang, ang kabug-usan nga client deposits nagtaas sa halos P22.39 trillion, nga nagapabilin nga nagapanguna nga ginakuhaan sang pundo para sa mga bangko.
Ginpasalig naman sang BSP nga nagapabilin nga malig-on ang financial sector sang pungsod kag mas nakahanda sa pag-atubang sa epekto sang pangkalibutanon nga krisis kag mga pagbag-o sa ekonomiya.
