ZAMBALES, Philippines – Nagapanguna ang mga miyembro sang Bantay Dagat sa Masinloc, Zambales sa pagbantay sang isa sa pinakaimportante nga marine sanctuary pinaagi sa regular nga patrol batok sa iligal nga pagpangisda kag iban pa nga iligal nga aktibbida sa Central Luzon.
Kadam-an sa mga boluntaryo mga manugingisda, a residente sang komunidad sa baybayon nga nagasalig sa dagat bilang ila nagapanguna nga pangabuhi-an.
Suno sang Mayo 14, nagkompleto sang espesyal nga paralegal kag law enforcement training ang 96 ka Bantay Dagat volunteers nga gin-organisar sang Department of Environment and Natural Resources ukon “DENR”, kag lokal nga panguluhan sang Masinloc.
Nagtinguha ang training nga mapabakod ang pagbantay sang Masinloc and Oyon Bay Protected Landscape and Seascape ukon MOBPLS, isa ka 7,000-ektarya nga protected area nga marine sanctuary sa Central Luzon nga sakop sang Expanded National Integrated Protected Area System Act.
Gintudluan ang mga partisipante sang nagkalainlain nga environmental laws, insakto nga proseso sang pagdakop kag dokumentasyon, pagdumala sang ebidensya kag pagresolbar sang mga komprontasyon sa tion sang pagpatuman sang kasuguan sa dagat.
Dugangbpa sa imprmasyon, nagpatigayon man sang underwater cleanup kag reef protection activities ang mga diver sang gobyerno sa Taklobo Farm giant clam sanctuary bilang kabahin sang selebrasyon sang Month of the Ocean.
Sa amo nga aktibidad, nakuha ang 17 ka crown-of-thorns starfish nga coral reefs, kag ginpangkuha man ang ginbayaan nga mga linya sa sulod sang protected area.
Ginpahayag man sang ahensya nga ang inisyatibo nagapakita sang padayon nga pagbinuligay sang gobyerno kag komunidad sa pag-amlig sang marine ecosystem kag pangabuhi sang mga residente nga nagasalig sa dagat.
