Banwa sang Jamindan, Capiz, ginpaidalom sa blue alert status bilang preparasyon sa Bagyong Basyang

Ginpaidalom sa blue alert status ang banwa sang Jamindan, Capiz, bilang preparasyon sa posible nga epekto sang Bagyong Basyang.

Sa interview sang Bombo Radyo kay Mayor Donnah T. Valdemar, iya ginpahayag nga gin-activate na ang mga evacuation center sa nagkalain-lain nga barangay para sa posible nga mga evacuees.

Suno kay Valdemar, padayon ang pagbantay sang local government sa tyempo, kag nakahanda na ang mga kagamitan para sa rescue operations kun may yara sang biktima sa bagyo.

Ginpahayag man sini nga nakahanda naman ang mga food packs nga sarang maka-akomodar sa mga pumuluyo nga ma-apektuhan sang bagyo.

Nagpahanumdom man ang ini sa publiko nga maghalong kag padayon nga magmonitor sa mga opisyal nga abiso, ilabi na sa Bombo Radyo Roxas.