Preparado na ang banwa sang Mambusao para sa naga-hilapit nga National kag Local eleksyon sa palaabuton nga Mayo 12, 2025.
Suno kay Mr. Jerik Kapunan, katapo sang Commission on Elections-Mambusao, ginpahayag nga preparado na sila para sa distribusyon sang mga Automated Counting Machines (ACMs) kag iban nga mga Election Paraphernalias sa tagsa ka mga Voting Centers bwas nga adlaw Mayo 11, 2025 agud nga pagagamiton sa adlaw sang eleksyon.
Pahayag pa sini nga may yara sang singkwenta (50) ka mga Automated Counting Machines ang yara sa karon sa kustodiya sang amu nga opisina kun sa diin hugot nga ginabantayan sang mga kapulisan.
Nahibaluan nga kwarentay-ikwatro (44) sa mga ini ang iga-distribute sa mga Voting Centers kag anum naman ang contingency ukon naka reserba pananglitan nga magkaproblema sa pila ka mga presinto.
Matandaan nga nangin madinalag-on ang ginpatigayon nga Final Testing and Sealing sang mga Automated Counting Machines sa nasambit nga banwa nga ginhiwat sang nakaligad nga Mayo 7, 2025 sa duha ka mga elementary schools: Ang Ilawod Elementary School sa East District kag ang Mambusao Elementary School naman sa West District.
Samtang, ang banwa sang Mambusao ang mayara sang baynte-sais (26) ka mga kabaranggayan, baynte-otso mil, nuybesyentos-uno (28,901) ka mga botante, kwarentay-ikwatro ka (44) ka mga presinto, kag trayntay-itres (33) ka mga Voting Centers suno sa datos sang COMELEC.
