Banwa sang Pilar kag President Roxas sa probinsya sang Capiz, ginbaha pagkatapos sang mamunog nga pag-ulan

Ginbaha ang banwa sang Pilar kag President Roxas sa probinsya sang Capiz pagkatapos sang mamunog nga ulan.

Suno kay Bombo Correspondent Nathaniel Degala, naglab-ot sa hawak ang tubig  bangud manubo ang ginatindugan sang isa ka eskwelahan sa Pilar.

Suno pa sa iya, nagtanyag sang bulig ang Bureau of Fire Protection sa mga estudyante kag manunundlo nga stranded sa lugar kag luyag na nga magpauli.

Pahayag pa niya, may gamay nga pagtaas sang tubig sa banwa sang President Roxas bangud sa pag-ulan kun ipaanggid sa pagbaha sang nag-igo ang Bagyo Opong.

Dugang pa sang natungdan, maghalong kag mag dala sang proteksyon sa pag-ulan bangud sa posibilidad nga mangin maulanon pa sa mga masunod na inadlaw.