ROXAS CITY – Pormal nga ginpatigayon ang Groundbreaking Ceremony sa igatukod nga Sapian Municipal Fire Station sa Poblacion, Sapian, Capiz, kahapon nga adlaw, Hunyo 16.
Nangin dinapit nga bisita si BFP-Regional Director CSupt. Jerry D. Candido kaupod si Acting Provincial Director CInsp. Jenny Mae Masip nga gintambongan man ni Sapian Mayor Arthur John Biñas.
May yara sang 400 square meter nga kalaparon ang lugar, kun sa diin nahamtang sa ground floor ang duha ka mga fire trucks, opisina sang Fire Marshal kag opisina nga maga-asister sa nagahikot sang permiso.
Nahamtang naman sa ika-duha nga panalgan ang conference room kag quarters para sa Municipal Fire Marshal kag BFP personnel, sa babayi kag sa lalaki.
Nahibaluan nga ang banwa sang Sapian nalang sa probinsya sang Capiz ang wala sang kaugalingon nga Fire Station.
Ginalauman nga ang ini ga Fire Station ang makabulig dugang sa puwersa sang mga katapo sang BFP sa probinsya.
