Barado nga drainage system, ginalantaw nga rason sa pagbaha sa Barangay Bolo

Roxas City – Barado nga drainage system ginalantaw nga rason sa pagbaha sa Barangay Bolo, Roxas City.

Ini ang ginpahayag ni Mr. Dennis ‘Pong’ Saneo Head sang City Disaster Risk Reduction Management Office sang ma-interview sang Bombo Radyo.

Suno kay Saneo, madamo nga mga nagkalain-lain nga basura ang ila nakuha sa drainage kalakip na ang mga uhot kag nagikan sa mga residente sa amu nga lugar.

Mensahe sini sa mga residente nga mangin responsible sa ila tagsa nga mga basura ilabi na subong nga maulanon nga panahon.

Samtang, nagpanugyan man ini sa mga opisyales sang Barangay nga i-monitor ang mga manubo nga lugar kag ang ipabilin nga matinlo ang palibot.