ROXAS CITY – Paga-aksyunan sang Barangay ang reklamo sang mga residente sang Sitio Pagutok Barangay Dayao natuhoy sa mahigko kag barado nga kanal.
Ini ang ginkumpirmar ni Punong Barangay Emily Ariza sang mainterview sang Bombo Radyo.
Suno diri, magapadala ini sang maga-ubra sa amu nga kanal agud mapangitaan sang paagi agud makailig kag indi magtinir ang mahigko nga tubig.
Nagahinyu man ini sa mga pumuluyo sang kooperasyon nga magbinuligay sa paglimpyo sang palibot ilabi na nga tig-ululan kag uso ang balatian nga dengue.
Bukas ang ila talapatan kag handa man si Ariza magpamati sa mga suhestyon kag rekomendasyon sang mga pumuluyo agud sa ikaayo sang ila lugar.
Aminado man ang opisyal nga wala pa sang budget ang drainage system sa ila lugar bangud ginatun-an pa kun sa diin igapahamtang ini.
