Isa ka daku nga kadalag-an para sa Barangay 8 Roxas City ang pagkilala sa ila bilang kabahin sang Top 100 Outstanding Barangays and Barangay Officials in the Philippines sa ginhiwat nga Gawad Balangay Awards 2026.
Sa pagpanguna ni Kapitan Holce Bialen, kaupod ang bilog nga Konseho sang Barangay 8, padayon ang ila pagpatuman sang nagkalain-lain nga programa kag proyekto nga nagatudlo sa kaayuhan kag kauswagan sang mga pumuluyo.
Natalana nga batonon sang Barangay 8 ang ila award bilang pagkilala sa maayo nga pagpanguna kag pagserbisyo sang mga opisyal sang barangay para sa kaayuhan sang komunidad.
Ginpaabot naman ang sinsero nga pagpanginbulahan kay Kapitan Holce Bialen, sa bilog nga Konseho sang Barangay, kag sa tanan nga naghatag sang ila suporta sa mga programa kag proyekto sang barangay.
Ini nga pagkilala nagapakita sang padayon nga pagpaninguha sang Barangay 8 nga mapauswag ang serbisyo kag mangin mas maayo ang kahimtangan sang ila komunidad.
