Ginkumpirma sang Commission on Elections (COMELEC) Capiz, nga sa pihak sang krisis nga ginapangatubang sang Pilipinas, madayon gid ang Barangay and Sangguniang Kabataan Elections subong nga tuig.
Sa interview sang Bombo Radyo kay Atty. Wil Arceño, Provincial Election Supervisor sang COMELEC Capiz, iya ginpahayag nga wala pa ang energy crisis, may pondo na ang ahensya para sa pagpatigayon sang eleksyon.
Suno kay Arceño, indi pwede nga i-realign ang pondo sang ahensya sa iban nga bagay.
Pahayag niya, pag-abot naman sa mga balota, printado na kag inogpanagtag nalang sa tagsa ka mga presinto.
Nahibaluan nga ang Barangay and Sangguniang Kabataan Elections patigayunon sa November 2, 2026.
Nagapasalig naman ang natungdan nga ginatun-an sang ahensya ang tanan nga tikang agud masigurado nga mangin matawahay kag malinong ang nagahilapit nga pinili-ay.
Interviewed by Bombo Saira Joy Alu-ad Bautista | via Zona Libre
