ROXAS CITY – Ginpaidalum sa semi-lockdown ang Barangay Bahit Panitan Capiz.
Ini ang ginkumpirmar ni Punong Barangay Maria Annaliza Dorado sang mainterview sang Bombo Radyo Roxas.
Ginpahayag ni Dorado nga nagsugod ang semi lock down sang barangay sang Abril 1 kag magalawig tubtob Abril 15 ,2020.
Suno kay Dorado nagdesisyon ang barangay council nga ipaidalum sa semi lockdown ang barangay matapos namutikan nga ang trabahante sang isa ka nagpositibo sa covid-19 disease sa syudad sang roxas ang naga-istar sa nasambit nga barangay.
Kasunod sini, pagahugton sang barangay council ang pagpasulod sang mga indibwal labi na sa mga kalapit nga mga barangay.
Apang gin-athag ni Dorado nga pasugtan sini nga mag-agi sa ila barangay ang mga nagatrabaho sa ospital, naga-deliver sang pagkaon basta magpakita sang Barangay Clearance, Medical Clearance kag Quarantine Pass.
Nagapangayo naman sang pasaylo si Dorado sa duha ka mga kalapit sini nga barangay nga tuman nga naapektuhan sang nasambit nga semi-lockdown.
