Patay ang apat ka tawo lakip na ang suspek matapos nga nagluntad ang pagpangluthang sa syudad sang Dasmariñas, Cavite.
Suno sa Philippine National Police (PNP), tatlo sa apat ka mga biktima ang barangay officials sang Brgy. Salitran 3.
Nagluntad ang insidente samtang ginapatigayon ang flag-raising ceremony sa atubang sang Barangay Hall sang nagpalapit ang 50-anyos nga suspek nga ginkilala kay Alyas fi”Ariel” nga anay barangay tanod.
Sa hinali, nag-abot ini sang wala mahibaluan nga sahi sang pusil kag gintiro ang mga biktima nga wala sang pili.
Ginkilala ang mga napatay nga biktima nga sanday Barangay Chairman Raul Atarde Ballos, 56-anyos, mga katapo sang barangay nga si Jose Lagones, 65-anyos kag Marvin Canete.
Napilasan man ang isa pa ka biktima nga si Christine Joseph Bonus, katapo sang Sangguniang Kabataan secretary matapos nabungguan.
Ginluthang sang suspek ang iya kaugalingon pagkatapos sang insidente.
Padayon pa nga ginahibalo sang mga otoridad ang mayor nga motibo sang suspek sa nasambit nga pagpangluthang.
