ROXAS CITY-Nagbuligay ang mga residente, mga youth kag Barangay Council sang Barangay Hipona Pontevedra Capiz agud makatipon sang donasyon para ihatag sa mga biktima sang Bagyong Ulysses sa Cagayan kag Tuguegarao.
Suno sa kay Maria Angela Jeva Balasa, isa sa mga in-charge nga kabahin sang ila mga natipon amo ang mga relief goods kag mga bayo nga sarang pa magamit sang mga nabagyuhan.
Dugang pa sini nga magluwas sa mga relief good kag bayo, nakabaton man ini sila mga financial assitance gikan sa mga concerned donors.
Samtang padayon naman ang panawagan sang mga konseho sang Hipona sa luyag maghatag sang mga donasyon para sa mga biktima sang bagyo.
Mahibaluan nga ang nasambit nga lihok ang ginpangunahan ni Punong Barangay Resty Oquendo kag bilog nga Barangay Council sang Hipona.
