Barangay CVO arestado matapos nga ginaalegar nagatuga sang kinagamo sa ila lugar

ROXAS CITY – Arestado ang isa ka Barangay CVO matapos nga ginaalegar nagtuga sang kinagamo sa Barangay Banica, Roxas City.

Ginkilala ang arestado nga si Zesar Adrosolano 35-anyos sang nasambit nga barangay.

Base sa inisyal nga imbestigasyon sang Roxas City PNP nga ginaalegar nagatuga sang kinagamo ang nasambit nga persona kun sa diin nagapangakat pa ini sang inaway sa ila barangay sa tagsa ka mahubog.

Bangud diri, ginpakamaayo na lamang sang pila ka mga residente sa lugar nga ipakustodiya sa pulisya ang nasambit nga persona.