Barangay Ginebra Player Juan Gomez de Liano, gindugang sa listahan para maghampang sa Gilas Pilipinas sa pagahiwaton nga first window sang 2027 FIBA World Cup Asian Qualifiers

Gindugang sa listahan sang Gilas Pilipinas ang Barangay Ginebra player nga si Juan Gomez de Liano.

Suno kay Gilas coach Tim Cone, mangin kabahin si De Liano sa first window sang FIBA ​​world Cup Asian Qualifiers.

Nalakip man ini sa listahan para training sa hampang Sang Gilas Pilipinas batok sa Guam nga pagahiwaton sa  Nobyembre 28 kag Disyembre 1.

Nahibaluan nga si Gomez de Liano, nagsugod sa FiberXers nga nakarekord sang pila ka triple doubles agud makuha sang Converge ang lima ka kadalag-an kag duha ka kapierdihan.