ROXAS CITY – Dakop ang isa ka Barangay Kagawad sang San Nicolas, Pilar, Capiz, matapos nga gin-implementaran sang search warrant sang katapo sang sang Criminal Investigation and Detection Group (CIDG) Capiz alas 5:50 sang aga sadtong Hunyo 27, 2023.
Ginkilala nadakpan kay Rolly Morenes 44-anyos kag residente sang amu nga Barangay.
Nakuha sa paghinakup ni Morenes ang 1 ka unit sang home-made 12 gauge shutgun long barrel, 1 ka steel magazine sang 12 gauge shotgun long barrel, 1 ka unit sang home-made 12 gauge shotgun short barrel, 1 ka steel magazine sang 12 gauge shotgun short barrel, 3 ka rounds live ammunition sang 12 gauge shotgun, 1 ka unit sang caliber .45 pistol, 1 ka steel magazine sang caliber .45 pistol kag 6 ka round live ammunition sang caliber .45 pistol.
Ang search warrant ang gin-isyu kag ginpirmahan ni Hon. Ezperanza Isabel E. Poco-Deslate, Executive Judge, RTC Branch 19, Roxas City, Capiz napetsahan Hunyo 26, 2023.
Kaso nga paglapas sa RA 10591 ukon An Act Providing For A Comprehensive Law On Firearms And Ammunition And Providing Penalties For Violations Thereof.
Sa karun, yara na sa kustodiya sang Criminal Investigation and Detection Group (CIDG) Capiz PFU office si Morenes para sa nagakaigo nga disposisyon.
