ROXAS CITY – Patay ang barangay kagawad matapos luthangaon sang isa ka lalaki sa Barangay Ilas Sur, banwa sang Dao, Capiz.
Ginkilala ang biktima nga si Kagawad Roger Capulso nga nag-angkon sang pilas sa nawala nga dughan.
Sa interview sang Bombo Radyo kay Senior Inspector Peter John Pisueña hepe sang Dao PNP, ginpahayag sini nga nagaguwa sa imbestigasyon sang pulisya nga ginbanggaan sang suspek nga si Reynaldo Tanong ang biktima kaupod ang duha ka mga himata nga magapauli na kuntani sa ila nga balay.
Ginhangkat sang away sang suspek ang biktima kasunod ang pagluthang sa biktima sa diin naigo sa dughan si Capulso.
Gilayon nga gindala sa ospital ang biktima apang gindeklara ini nga dead on arrival samtang nagpalagyo ang suspek matapos ang krimen.
