ROXAS CITY – Nagpabalhag sang reklamo sa Roxas City Police Station ang isa ka 23-anyos nga barangay kagawad matapos nga ginaalegar wala sang kamatuoran ang alegasyon ni Punong Barangay Eistein Chinumezi Okpora sang Barangay Inzo, Roxas City.
Sandig sa ginpabalhag nga reklamo ni brgy. kagawad Ervin Sicad 23-anyos nga wala tanan sang kamatuoran nga ginpahog sini ang nasambit nga punong barangay nga una na nagparekord sa pulisya sang damlag lang.
Magluwas diri, ginaalegar ni Sicad nga antes sini ginhulam ang yabi sang barangay hall sa ila utility worker nga si Gerald Maquimot naglaong ini sang ensakto kay Okpora.
Hugot naman nga ginpanginwala sang nasambit nga barangay kagawad nga wala sang kamatuoran ang tanan nga alegasyon sang nasambit nga punong barangay bangud ginahimo lamang sini ang iya nga obligasyon bilang opisyal sang ila barangay.
Bangud diri, ginpakamaayo na lamang sang tagreklamo nga iparekord sa pulisya ang insidente.
