Barangay kagawad pilason matapos tiruhon sa barangay hall

SIGMA, CAPIZ – Pilason ang isa ka barangay kagawad sang Barangay Pinamalatican, Sigma, Capiz matapos gintiro sang duha ka mga suspek nga nakasuksok sang face mask sa session hall sang nasambit nga barangay.

Ginkilala ang biktima nga si Barangay kagawad Lamberto Fajartin nga nag-angkon sang samad sa ilong.

Ba-se sa imbestigasyon nga matapos ang general assembly sang konseho sang Barangay Pinamalatican, may nagsulod nga duha ka mga lalaki nga nagasuksok sang face mask kag ginpangita ang biktima.

Kasunod sini ang pagtiro kay Fajartin kag ang pagpalagyo sang wala makilala nga mga suspek.

Gilayon nga gindala sa ospital ang biktima, agud madapatan sang nagakaigo nga pagbulong.

Padayon sa karon ang imbestigasyon sang kapulisan sa insedente.