ROXAS CITY – Ginklaro ni Barangay Kagawad Earl Valencia sang Barangay Baybay, nga indi pumuluyo sang ila lugar ang waiter nga nadakpan sa Osmeña Avenue, Estancia, Kalibo, Aklan ang nagaduso sang iligal nga droga kundi residente sang Barangay Libas, Roxas City.
Sa interview sang Bombo Radyo kay Valencia ginpahayag sini nga kakilala niya si Bacalangco bangud nangin classmate niya ini kag tuman ang iya kakibot sang nahibaluan ang aktibidad nga ginakaulamiran sini bangud ba-se sa iya pagkakilala diri isa ka mabuot kag matarong ini nga tawo.
Matandaan nga natigayon nga madakpan si Kenneth Dela Bacalangco 26-anyos kag nagatrabaho sa isa ka bar sa Boracay, matapos ang ginkasa nga operasyon sang Provincial Drug Enforcement Unit sang Aklan Police Provincial Office.
Nakuha sa posesyon sini ang 16 tanan ka sachets sang ginapatihan shabu kag buy bust money nga P6,000.00.
Mahibaluan man nga ginapahayag nagikan pa sang syudad sang Roxas ang suplay sang amu nga iligal nga droga.
