ROXAS CITY – Posible nga nabatyagan na ni Barangay kapitan Elvis Asis nga may matabo sa iya bangud sa una nga tion, ginpatawag sini ang tanan nga mga anak kag mga apo kag nagtipon sila sa ila nga balay.
Aminado ang pamilya ni Kapitan Asis nga natingala sila sa nangin aktwasyon sang ila padre de pamilya, apang wala na lamang sila nagkontra sa baylo ginsunod nila ini
Antes nagbiya sa balay ginpahanumdum pa sini sa mga apo kun ano niya ini ka palangga kag ginpanugyanan nga magtuon sang maayo.
Pagkagab-i nakibot na lamang ang pamilya ni Kapitan Asis sang mahibaluan nga ginluthang ini kag seryoso ang kahimtangan tobtob ginbawian sang kabuhi
Bangud indi mabaton sang iya pamilya ang natabo kay Kapitan Asis nagasinggitan sila sang hustisya para sa ila nga amay.
Nangin emosyunal man si Ken Asis-Buenviaje, subang nga anak ni Kap. Asis sang nag-apelar sa mga suspek nga magsungka na subongman nagpanawagan sa mga nakasaksi sa pagpatay sa iya amay nga buligan sila nga maangkon ang hustisya.
