ROXAS CITY – Ginkakibot sang Punong Barangay sang Sibariwan, Dumarao, Capiz ang pagpanawag sang iya first Barangay Kagawad, nga may nagluntad nga komosyon sa Police Station, sa pihak sang boluntaryo nga pagdul-ong sa duha ka mga hubog nga pulis.
Sa interview sang Bombo Radyo kay Brgy. Kapitan kag Liga ng mga Barangay President Hon. Querubin Pamplona, suno diri nga ini ang una nga ginpahibalo ni Brgy. Kagawad Jonel Punsalan nga natapungolan kag natampaan ini kag si Anthony Bajada.
Gilayon man nga ginpadulongan ni Pamplona ang iya mga residente kag gintsekyar ang ila kahimtangan sa police station, diri kag nakita sini nga may bukol na ang mga ini tuga sang pagpangsumbag kag tampa ni PSSgt. Arnel Bucsit.
Dugang pa sini nga nga wala sa selebrasyon ang iya Brgy. Kagawad, bangud yara ini sa iya kamaisan, apang ginhinyo lamang nga magmaneho sang patrol car sang Dumarao MPS agud idul-ong si Bucsit kag ang taga Brgy. Sibariwan nga si PSSgt. Antolin Sumatra.
Sa karon, ginatugyan naman sang Punong Barangay ang desisyon sa mga biktima kun luyag nila magpasaka sang kaso ukon indi.
