Roxas City – Back-to-back champion’ ang Lupong Tagapamayapa sang Barangay Milibili, Roxas City matapos liwat nga nakuha ang national champion sa 2019 Lupong Tagapamayapa Incentives Awards (LTIA) Awarding Ceremony sang Department of Interior and Local Government (DILG) nga ginpatigayon sa The Manila Hotel.
Suno kay City Councilor Midelo Ocampo anay punong barangay sang Barangay Milibili, nga ginalauman na sang grupo nga makuha ang national champion bisan nga tuman ka lapit ang score sa mga kasumpong.
Tuman naman ang kalipay sang Lupong Tagapamayapa sang Milibili matapos nga nakuha ang national champion.
Gintugyan naman ni Ocampo sa bag-o nga administrasyon sang Barangay Milibili ang cash incentives nga nagabalor sa 350mil pesos sa diin natalana ini gamiton sa mga proyekto sang ila barangay.
Magluwas sa Barangay Milibili, nakuha man sang Lupong Tagapamayapa sang Barangay Candelaria, Tapaz, Capiz ang 1st Runner Up para sa 1st – 3rd class municipality category.
