ROXAS CITY – Nakapagkit ang Barangay Mongpong sang pinakamataas nga kaso sang dengue sa syudad sang Roxas ba-se sa datos sang City Health office.
Sa interview sang Bombo Radyo kay Punong Barangay Ricky Donato, may yara sang tig-duwa ka kaso sang dengue sa ila barangay sang Enero kag Pebrero, 1 sang Abril, kag 3naman sang Hunyo apang suno diri, nakarekober na ang mga biktima sa balatian.
Suno diri, wala nagauntat ang ila talatapan sa pagtapna sang dengue pinaagi sang search and destroy, clean up drive kag paghatag sang pahanumdom sa mga pumuluyo .
Apelar ni Kapitan sa pumuluyo nga magpanglimpyo sa palibot ilabi na sa mga bahin nga posible istaran sang lamok ilabi na ang may mga tubig kag mahimo man ini ulaon kun wala na ginagamit bangud indi man sarang sang opisyales sang barangay nga sila pa ang manglimpyo sa bug-os nga barangay.
Mahimo man nga mag obserbar sang 4 o’clock habit bangud suno diri nangin epektibo ini nga pamaagi sang nagliligad nga tuig.
