-- ADVERTISEMENT --
Nagapreparar na ang mga opisyal sang Barangay Baybay, Roxas City sa posible nga epekto sang Super El Niño, ilabi na ang kakulang sang suplay sang tubig.
Sa interview sang Bombo Radyo kay Punong Barangay Erwin Oroceo, ya ginpahayag nga sa ila pagsinapol sa session kaupod ang mga konsihal sang syudad na-istoryahan diri ang pagtipon sang tubig paagi sa pagbakal sang mga dalagko nga tangke.
Suno kay Oroceo, maayo man ang pangisda sang ila mga residente kon mahawan ang dagat kag wala sang mabaskog nga balod.
Dugang pa sini, padayon ang barangay sa pagpatuman sang mga tikang agud mangin handa sa posible nga epekto sang Super El Niño.
